Jardunaldi Digitalak Leioako Berritzegunean

Aste honetan Leiokao B08 Berritzeguneak antolatutako Jardunaldi Digitaletan parte hartu dut hizlari bezala. Berriz ere Scratch izan da nire aportazioaren gaia. Scratch-etik mundu errealera izenburuarekin, erakutsi nahi izan dut zer nolako gailuak lotu daitezke Scratchekin.

Denbora mugatua kontuan hartuta Legoko WeDo, Makey-Makey, mOway, Arduino eta AppInventor erakutsi ditut. Egia esan, AppInventor-i buruz aipamen txiki bat besterik ez dut egin, ez baita nire eremuko teknologia, gehien bat Batxillerren erabiltzen da eta.

Etorritako kide batzuk ez zekiten Scratch zer zen, baina beste batzuk ezagunak izan dira, urrian zehar garatutako ikastaroan parte hartu dute eta.

Hemen uzten dizuet erabilitako aurkezpen txikia, eta Bego Iturgaitzek tuiteatutako argazkia.

argazkia: Bego Itzurgaitz

Progamazioa eskolan

Azken aste hauetan inoiz baino gehiago irakurtzen ari naiz programazioa eta eskolari buruzko notiziak. Badirudi munduko teknologia entrepresa garrantzitsuenen CEO askok bideo baten bitartez eskatzen ari direla Curriculumean programazio arloa sartzeko. 

Esaten den bezala gaur egun hezitzen ari diren umeen lanbide gehienak ez dira oraindik asmatu! Horretan programazioan trebatuta egoteak abantaila suposatzen du, azken finean programazioak pentsatzetzen irakasten baitigu.

Oso interesgarria iruditu zait CSEDweek.org-ek plazaratu duen kanapaina. Helburua, programazioa ordubeteko saio bat izatea eskola guztietan.

Batzuetan nire Ikastolara begiratzean asmatu dugula pentsatzen dut 🙂

Berritzegunean Ikastaroa

Aste hauetan banabil Leioako Berritzegunean Ikastaro bat ematen. Scrach da ikastaro horren ari nagusia eta 5 egunetan zehar, MITeko software honetan lehenengo urratsank emangu dituzte irakasle talde batek.

Ikastaroaren barruan proiektu pertsonal bat garatu beharko dute, eta scratch.mit.edu-n partekatu behar izango dute.

Ikastaroa dela eta aprobetxatu dut Scratch for Dummies Sitea argitaratzeko! Beraz, jaioberria dugu Euskara eta Scratch lotzen duen Site bat.

Nola instalatu Ubuntun tipografia berriak

Oraingoan, Windowseko tipografia tipikoen atzean ibili naiz eta ezin izan ditut topatu Ubuntun. Orduan Google-i galdetu, eta ondorengo ebazpena lortu dut. Beti bezala Terminalean exekutatzeko komandoen bitartez.
Hasteko honako hau

sudo apt-get install msttcorefonts gsfonts-x11

Eta horren ondoren beste hau:

sudo fc-cache -f -v

Honela Windows-eko tipografia tipikoak agertuko zaizkizu. Informazioa web honetatik hartu dut eta bertan bestelako iturriak instalatzeko moduak agertzen dira.